خلطة تخلي رجلك بيضة وناعم ومن غير تشققات حصريا

خلطة تخلي رجلك بيضة وناعم ومن غير تشققات حصريا

السلام عليكم ورحمه الله وبركاته

تقريبا معظم البنات بتعانى من التشقق فى كعب القدم



وانا اكتر وحده بصراحه كنت بعانى من الموضوع ده
بس الحمد لله واللهى كعب رجلى بقى تحفه
وبعد ما كنت بتكسف اى حد يشوفه بقيت بوريه للناس 
المهم ندخل فى التفاصيل بقى
المشكله اللى عانيت منها انى كنت دايما بدور على الوصفات لرجلى
وبستخدم فازلين وكل حاجه من غير اى نتيجه
لغايه ما بنت خالتى الله يكرمها دلتنى على اول الطريق
وقالتلى على ماكينه تقشير الرجلين
وفعلا استخدمتها وجابت نتيجه بس مش قوى برده
وفى يوم كنت بجيب امواس لمكنه التقشير
البياعه قالتلى على برنامج وادوات فعلا واللهى استخدمتها ومن اول مره النتيجه تحفه



زمانكم بتقولوا زهقتينا بس اصبروا ومش هتندموا


اولا:ماكينه التقشير
المكنه دى سعرها فى مصر 20جنيه
وهيه عباره عن امواس بتشيلوا بيها الطبقه الميته من الجلد
هتقولوا امواس وبتعور لاء لان الكعب منطقه خشنه اساسا وهيه مخصوصه للكعب
ودى صورتهاطبعا دى انا اللى مصورها فسمحونى لو مش واضحهطبعا القدم بتتنقع فى مياه ساخنه على قد ما تقدرىوبعدين لما الجلد تحسى انه بيدوب شويه بتطلعى رجليكى وتستخدمى المقشره وماتخافيش مش هتعور واللهى وسهله جدا افضلى انقعى رجلك وشيليها وقشريها لغايه ما تنضف من القشر الميتثانيا: المبشره
بعد ما تخلصى بتستخدمى المبشره الوجه الخشن الاول ثم الوجهالناعم مع استخدامها فى حركات دائريه
ودى شكلهاثالثا :التنعيم
دى اداه مش عارفه اسمها بس هيه خشنه ومقوسه على شكل القدم بس بتنعم الكعب جداوفى الاخر بقى بيتعملى بالحجره اللى بتشتريها من الصيدليات حجر ملون جديد بس حلو

وبعد كده بتحطى فازلين و تربطيها بكيس او البسى شراب وتنامى
على فكره بجد الخطوات دى مش بتأخد غير ثوانى يمكن انا طولت فتحسوا انها كتيره-


وبتعملى الموضوع ده حوالى مره فى الاسبوع ولو مش لقيتى جلد ميت ممكن مش تستخدمى اداه التقشير الاولى

انا كمان بعد كل وضوء بغسلها بالحجره وبحط كريمات خفيفه شويه زى(كارابميد -هيدرا فيت -نيفيا)
وقبل ما انام بدهن بالفازلين

م\ن

شاركي اصحابك

Posted in: العناية بالقدم