بشره غير موحدة اللون أثار حبوب بنية لون غامق الحل عندنا وبس

بشره غير موحدة اللون أثار حبوب بنية  لون غامق  الحل عندنا وبس

الحل : المرة


الطريقة 

مافي بيت خليجي يخلى من المرة أكيد الكل يعرفها طبعا

تاخذين كم قطعة مرة صغيرة وتحطينها في فنجان أو كوب وبعدين تصبين عليها ماء دافي وتخلينها فترة لين تنقع 

بتشوفين ان المرة ذابت تقريبا وصارت مثل العجينه في كعب الكوب وارتفع الماء فوق وصار لونه بني


تستخدمين العجينه 

حق البثور الظاهرو أو اللي بتظهر باستخدام أعواد الاذن وتحطينها على الحبة او البثرة 


النتيجه مدهشة وخلال فترة قصيره 


اما الماء هو اللي تستخدمينه كغسول حق الوجه نفس الشي اخذي عود الاذن وحطيه في الماء المتكون من النقوع وبعدين مسحي فيه وجهك

ويفضل استخدام عودين واحد للجانب الايمن والثاني حق الجانب الايسر عشان ما تنقلين اي شي حق باقي وجهك
بعدين تمي فيه عادي ومارسي حياتك الطبيعية 

أنا دايم استخدمه بالليل وبعدين اشوف لي فيلم او اقعد عالكمبيوتر عادي اي شي تبين تسوينه سويه 

اذا بتنامين غسليه بماء فاتر من غير صابون في ناس تنام فيه بس انا ما افضل وشوفي ثاني يوم شيصير 

مع الاستعمال راح تخف البقع الناتجه عن حب الشباب و ويهج راح يصفى ويتوحد لونه بأذن الله. 

شاركي اصحابك

Posted in: علاج الحبوب والبثور السوداء