اشتركي معنا على الفيس بوك في صفحتنا انت اجمل

الجمعة، 9 سبتمبر، 2011

هام جدا لكل عروسة قبل وبعد الفرح علشان تبقي زي القمر من خبيرة التجميل رانيا

النهارده حلقتنا هتكون مميزة جدا؛ لأنها هتخص كل عروسة فرحها قرّب..


وإزاي تحضر نفسها قبل وبعد الفرح، وتفتح بشرتها وجسمها، تابعونا...


قبل ما نبدأ حلقتنا عايزة أقول لكل عروسة إنها مش لازم بس تهتم بنفسها قبل الفرح، لكن لازم كمان تهتم بنفسها وجمالها وبيتها كمان بعد الفرح وشهر العسل.



قبل ما نعمل الماسك الأول عايزة أقول لكم إن عصير المشمش المجفف ده هايل جدا للبشرة والشعر والجسم، علشان كده ممكن نسلقه ونعصره في الخلاط، وبعد الشاور هناخده ونعمل بيه لوسيون للوش كله وحول العين وكمان للجسم وهنحطه على الشعر، ونسيبه على الجسم لمدة ساعة كاملة. أما بالنسبة للشعر فهنسيبه لمدة 15 دقيقة فقط، ونشطفه على طول، بعد كده هنحس بنعومة، وهيدّي للجسم ريحة حلوة أوي وليونة ونضارة.

خليط المشمش وجنين القمح للبشرة والشعر
الماسك ده هينفع أوي للبشرة المرهقة والجافة، واللي بيكون فيها خطوط وتجاعيد صغيرة، وكمان ممكن نستخدمه كماسك للشعر مع إضافات تانية.

المقادير:
كوب متوسط عصير مشمش مجفف
ملعقة متوسّطة زيت جنين القمح


الطريقة:
هنخلط العصير مع زيت جنين القمح ونقلّبهم، والخليط ده هيكون صالح للاستخدام كماسك للشعر والوش والجسم.



بعد ما نعمل الخليط ده ممكن نحط عليه إضافات تانية، ونعمل به ماسكات مختلفة؛ زي:

ماسك سنفرة خفيفة للجسم
وده ممكن نعمله بإننا نضيف على خليط المشمش وزيت جنين القمح، الإضافات دي:

ملعقة كبيرة لبن بودرة
ملعقة لوز مطحون بالقشرة الداخلية وطبعا مايكونش محمص
1/ 2 ملعقة صغيرة زيت مشمش


هنضيف اللبن البودرة واللوز المطحون على الخليط، ونقلّبهم كويس أوي، وبعدين نضيف زيت المشمش.

الماسك ده ممكن العروسة تستخدمه كسنفرة للجسم قبل الفرح بأسبوع، وهتعمله يوم بعد يوم، أو ممكن تعمله قبل الفرح بيوم؛ لأن الماسك ده بيعمل زي سنفرة خفيفة للجسم وفي نفس الوقت بيرطب وبيطري الجسم جدا، وعلشان كده هو مفيد إن العروسة تعمله قبل الفرح بيوم أو كمان يوم الفرح الصبح بعد الشاور.

هنسيب الماسك على الجسم والوش لمدة ساعة ونفركه بطريقة خفيفة جدا، وبعدين نشطفه بالميه.



صابون الطين لسنفرة الوجه والجسم
المقادير:
ملعقة صابون طين مغربي
ملعقة ممسوحة عسل نحل


الطريقة:
هنخلط صابون الطين مع عسل النحل ونقلّبه كويس جدا، وشكل صابون الطين بيكون غامق وبتكون ريحة زيت الزيتون قوية وواضحة فيه جدا.

بعد ما العروسة تعمل السويت، هتشطف جسمها بالميه، وبعد كده هتاخد شاور بالصابون ده.

هنفرد الصابون على الوش والجسم ونسيبه لمدة 10 : 15 دقيقة فقط على الوش، أما بالنسبة للجسم فممكن نسيبه لمدة 15 : 30 دقيقة، ونحاول نعرض جسمنا لكمية كبيرة من البخار أثناء ما بناخد الشاور، وبعد كده نبدأ نفركه بالليفة المغربية أو ممكن بالليفة المصرية بس تكون جديدة وناشفة، ولكن يفضّل الليفة المغربية، وبعدين نشطفه بالميه، والصابون ده مناسب لكل أنواع البشرة.

بالنسبة للناس اللي بشرتها حسّاسة هتسيب الصابون لمدة 5 : 10 دقائق فقط؛ وده لأن الصابون بيكون قوي جدا، وكمان بيحتوي على عسل نحل، وهو حامي شوية للبشرات الحساسة، ويفضّل إنها ماتستخدمش الليفة المغربية لسنفرة البشرة، ولكن هتستخدم الأسفنجة الناعمة وتكون مبللة بماء الورد.



ماسك الطمي لسنفرة عميقة للجسم
المقادير:
1/ 4 كيلو لسان البحر
1/ 3 كيلو طين مغربي
1/ 4 كيلو شوفان
1/ 4 زِر ورد (ورد مجفف)
1/ 4 كيلو أعشاب لافندر مجفف
1/ 4 كيلو ترمس مطحون
1/ 4 كيلو قشر أم الخلول أوالصَدف
ملعقة صغيرة ماء ورد مركز أو زيت ورد
مقدار ميه للعجن


الطريقة:
هنخلط المكوّنات دي كلها ونطحنها كويس أوي ونخليها نحتفظ بيها؛ علشان نستخدمها لسنفرة الجسم سواء قبل الفرح أو بعد الفرح كمان.

هنعجن المكونات دي مع ماء ورد مركز أو ماء ورد وممكن عسل نحل ولكن ده اختياري، ونحط كمية الميه بالتدريج ويفضّل تكون سخنة، ونقلبه لحد ما نوصل للسُمك اللي إحنا عايزينه.

الخليط ده هيكون ملمسه مرمل شوية، وده اللي بيساعد إنه يتغلغل جوا الجسم ويدي في الآخر ترطيب ونعومة فائقة وتفتيح وترويق، وممكن نحط الماسك ده على الوش حول العين ولكن بمسحة خفيفة جدا ومانفركهوش كتير، وطبعا نشطف الوش بسرعة قبل الجسم.

روتين العروسة هيكون كالتالي:
أولا هتعمل السويت لكل الجسم قبل الفرح بيومين، وبعد كده هتاخد الشاور بصابون الطمي والعسل اللي جهزناه معاكم في الحلقة، وبعد كده هتعمل سنفرة بماسك الطمي ولسان البحر، وبكده تكون العروسة جسمها ناعم ولامع.




خلصت حلقتنا النهارده..

تابعونا في الحلقة الجاية..

ولسه مكمّلين معاكم روتين العرايس..

وكل التجهيزات قبل وبعد الفرح..

منقول

شاركي اصحابك

Twitter
Facebook
Yahoo
Feed

Comments
0 Comments

0 التعليقات:

إرسال تعليق

طريقة تطويل وتكثيف الشعر بسرعة - خلطة تطويل الشعر - خلطات تطويل الشعر وتكثيفه طريقة تطويل وتكثيف ال

Twitter Delicious Facebook Digg Stumbleupon Favorites More

 
Copyright © 2011 ماسكاتنا : ماسكات طبيعية للبشرة و الشعر و الجسم للنساء فقط | Powered by Blogger
Design by Free WordPress Themes | Bloggerized by Lasantha - Premium Blogger Themes | Facebook Themes