شاركي اصحابك
Posted in: ملفات عديدة للعناية بالبشرة
19 Comments
اولا :احييكم على المجهود الرائع.ثانيا:لدى سؤال ارجو الاجابة عليةوارجو الاجابة
على سؤالى ترسل لى على الخاص.السؤال هو:اعانى من حب الشباب من فترة طويلة وجربت حاجات كتير ورحت لدكاترة اكتر بس المشكلة دلوقتى انى اعانى من اثار الحبوب الشديدة بقع وندبات عاوزة نصيحة او حل ولكم منى كل تقدير.
ميرسي جدا
بصى الاثار بتاعة الحبوب او الجروح ممكن نعالجها بجيل ممتاز
اسمه اسبكترا جيل بس ياريت اشوفك عندى في صيدلية سيف فرع المنيل
علشان اقولك تاخديه ولا مش هينفعك وخصوصا انه سعره غالى شويه من 120 الى240 جنيه ممكن تجيلى كل يوم الصبح من الساعة 8 ماعدا الاربعاء
د.اميرة اللبيدي
شكرا ليك يا دكتورة على تعبك معانا دلوقتى انا شعرى باظ جدا من الهاى لايت والدكتورة كتبتلى على اكرينيل ماسك وروحت الصيدلية قالى ده نوعين ومش عارفه اخد مين فيهم هيا كتبتلى على نوعين فيتامين كمان وسيرم للتسريح كل يوم
ميرسي ليكم انتم
بصى هو ecrinal hair mask ده حاجة واحدة
ولو تصبرى شويه لبكره اتاكدلك من سعرة
او اتاصلى بيا على تليفون الصيدليه هاتيه من الدليل (سيف المنيل) واقولك سعره وحجمه كمان
بس كنت عايزة اعرف هي الدكتورة كتبت لك ايه فيتامينات ياريت تردي عليه بسرعة علشان تبداي فى العلاج
ومتشكرة لثقتك فيه
شكرا على ردك عليات يا دكتورة هو واحد اسمة فيروتون والاتنى مش فاكرة اسمه حالليا بعد الغدا مكتوب عليه لتساقط الشعر وتقصفة
السلام عليكم ورحمة الله وبركاته
أنا سعيدة جدا لأننى من العضوات بهذا المنتدى
فأنا أشكرك على مجهودك الطيب يا دكتورة\أميرةوكل العضوات
ولى سؤال وطلب ،أما السؤال فهو عن:
أننى لم أحمى بشرتى من قبل من أشعة الشمس ولذلك بدأت أشعر بحرقان وحرارة فى بشرتى عندما أتعرض للشمس ،وذهبت للطبيب وأعطانى كريم أسمه:zinc oxide المستورد،وقالى هاتلاقيه فى الصيدليات الكبيرة ،ولكنى لم أجده،وسألت عليه فى صيدلية العزبى فى رمسيس ،وسيف فرع شبرا فى (جزيرة بدران)ومش لقياه خالص رغم ان الدكتور شكرلى فيه كتير
(أسفة للاطاله)
أما الطلب فهو:
يشرفنى أن تكونى يا دكتورة:أميرة من عضوات المنتدى الذى أنا من المشرفات فيه وهو:منتدى الأخت المسلمة وكذلك أى حد يرغب فى ذلك ، فهو أيضا منتدى جميل جدا وشامل كل الأقسام لتفيدينا وتستفيدى من أقسامه المختلفة وبه أيضا مسابقات مختلفة،ولمن يرغب الاشتراك فيه يرسل لى رد ،وسأقوم بارسال الرابط الخاص بالمنتدى
وجزاكم الله خيرا ،هتوحشونى كتير
ميرسي كتير ليكى
بس كنت عايزة اقولك ان مفيش كريم اسمة زينك اوكسيد مستورد هو فيه كريمات كتير فيها المادة دى بس مصنوعة هنا
وممكن تستعملى الزينك اوليف كريم ده جواه المادة دي برده
وبالنسبة للمنتدى حطى اللينك بتاعة مفيش مشكلة
لا شكر على واجب ياsmsmwsm
طيب انتى كدا من الواضح انك عندك انيميا هي اللى بتبوظ شعرك بالاضافة للهايليت اللي اضعفة يعنى ضعف من برة وجوة ولازم تعالجيه من الداخل بالفيتامينات ومن الخارج بالماسك بس اكيد الدكتور قالك ان الكورس بتاع العلاج لازم تستمري عليه تقريبا 3 شهور كمان تاكلى خضار وفاكهة وماتشربيش شاى وهكذا
اهم حاجة تاخدى حاجات فيها زنك وحديد
وان شاء الله يبقى شعرك احسن من الاول
شكرا جدا يا دكتورة وفعلا الدكتورة قالتلى مش هحس بتحسن قبل شهرين على الاقل
لو سمحتي يا دكتورة اميرة انا بشرتي دهنية جدا عايزة من حضرتك اسماء لكريمات ترطب و تغذي البشرة مش دهنية خالص ..انا من اسكندرية
طيب انا بفضل منتجات شركة بيوديرما لانها اولا شركة كبيرة فرنسية ومحترمة بس غالية شوية بس اهم ميزة فيها ان منتجاتها مش تجيل بس لا دى علاج كمان
علشان كده انصحك تستعملى اللون الاخضر من بيوديرما bioderma sebium
وده اللون الماسب لبشرتك الدهنية وممكن تلاقيه في الصيدليات الكبيرة
وطبعا هقولك سيف علشانانا متحيزة لصيدليات سيف وليهم فروع في اسكندريه
ميرسى جدا يا دكتورة على تعبك معانا ,انا عندى مشكلة تعبانى جداااا انا مش لاقيه حل خاص لموضوع الحبوب ده خالص نفسى اخلص منها نهائيا ,هل ده ممكن ولا ده امنية صعبة جربت لسيونات كتير وادوية برضو بس مش نافع معايا حاجة خالص والمشكلة كمان فى البقع اللى بيتسبها نفسى القى حل ,ممكن تساعدنى لو سمحتى لان فرحى قرب ومحتاجة اخلص منها بسرعة باذن الله وشكرا ليكى
انصحك باستخدام بيوديرما سيبيم اكنى ده للحبوب وبيوديرما a1 علشان البقع مكان الحبوب
معلش هما غاللين بس ممتازين
ممكن تاخدى دلاسين سي 300 الصبح وبليل لمدة 5 ايام مع الكريمات علشان النتجة تبقى ممتازة والف مبروك يا سها
السلام عليكم انا اول مرة ادخل على المنتدى وبصراحه عجبنى جدا وشكرا لمجهودكم انا عندى مشكله يا دكتورة انا اظافرى مش بتطول ابدا وإذا طولت بتتكسر بسرعه ومش بتكون متساويه وكمان بعانى من اسمرار شديد فى الاطراف بس مش عارفه استخدم ايه ارجو الاجابه؟؟
اظافرك تتكسر لانك عندك ضعف اونقص بعض الفيتامينات
ممكن تاخدي بانتوجار كبسول 3 مرات في اليوم لمدة 3 شهور بدون انقطاع
ولو الحالة شديدة جدا ممكن تزودي مع الكبسولات حقن بيوتين وبيبانتين لمدة 3 شهور
وده مفيد لتقوية الشعر والاظافر و علشان الجلد كمان
شكرا يا دكتورة لتعبك معانا دلوقتي انا من فترة كنت جايبة ماسك بالكولاجين من بره و دلوقتي مش لقية هنا في مصر خالص ممكن حضرتك تقوليلي اسم ماسك بالكولاجين و اجيبة منين في مصر(و يفضل الاسكندرية)
لوسمحتى يادكتورة عايزةاسم حقن لزيادة الوزن بس تكون مبتعملش مية تحت الجلد لانى فرحى قريب وكمان عايزة اعرف الثمن ياريت الرد بسرعة
لوسمحتى يادكتورة عايزة اسم حقن لزيادة الوزن بي تكون مبتعملش مية تحت الجلد وياريت اعرف السعر ارجو الرد بسرعة
لوسمحتى يادكتورة اميرة اناكنت طلبت من حضرتك اسم حقن لزيادة الوزن لان فرحى قريب ارجو ان تردى عليا بسرعة
9:02 م
