اشتركي معنا على الفيس بوك في صفحتنا انت اجمل

السبت، 15 نوفمبر 2008

تبيض الوجه والجسم

طبعا كلنا نفسنا بشرتنا تبيض وتنعم وبطريقة طبيعية وزى ما قلت ياريت التقشير كل اسبوع او عشرة ايام علشان البشرة تستفاد بالماسك ومعلش ماسكات التبيض بتاخد وقت علشان تجيب نتيجة لان كل الطبيعى كدة وبتفضل البشرة جميلة مش زى الكريمات اللى مفعولها بيروح بعد ما نسيبها  
اول ماسك : 
معلقة دقيق ابيض ومعلقة زيت زيتون ومعلقة لبن ونص لمونة ويتم فردة على الوجة والرقبة لمدة 20 دقيقة وبعدين نشطفة بالماء الدافى ثم البارد 

الماسك الثانى 
برغم انة بسيط جدا الا انة نتيجتة تحفة جدا معلقتين لبن بودرة اى نوع ومعلقتين لبن سايل نخلطهم كويس ونفردة على الوجة والرقبة نصف ساعة ونغسلة بالماء الافى ثم البارد 

الماسك الثالت 
دة تحفة يا جماعة نصف علبة زبادى بايت وندوب فية قرص اسبرين بعد طحنة الماسك دة بيستخدم فى اكبر مراكز التجميل نفردة نصف ساعة ونشطفة بنفس الطرق السابقة 

الماسك الرابع 
2 معلقة بودرة جونسون لاطفال ومعلقة مية ورد ومعلقة لبن الماسك دة غير انة بيبيض كمان بينور وينعم وبيدى ريحة تحفة ونفردة نصف ساعة ونشطفة بنفس الطريقة  

الماسك الخامس 
1 بطاطس مسلوقة بقشرها ونص كوب لبن ونضربهم كويس فى الخلاط ويفرد على الوجة بالاضافة لمنطقة تحت العين تحفة بيبيضها والباقى بيتحط فى التلاجة عادى ويشطف بنفس الطريقة 

الماسك السادس
نص خيارة مبشورة وناخد عصيرها ونص عصير لمونة و2 معلقة دقيق ابيض ويفرد ويشطف بنفس الطريقة 

الماسك السابع
معلقة نشا ومعلقة زبادى بايت ونص عصير لمونة ونص معلقة زيت زيتون ونحطة 20 دقيقة ونشطفة بنفس الطريقة

الماسك الثامن
معلقة دقيق ومعلقة نشا ومعلقة مية ورد ومعلقة زيت زيتون ومعلقة لبن ونص لمونة الماسك دة كمان تحفة للجسم واى منطقة غامقة نصف ساعة ونشطفة بنفس الطريقة 

الماسك التاسع
خيارة ومعلقتين نشا ونص كوب مية ورد ونضربة فى الخلاط ونفردة على الوجة والرقبة نصف ساعة ونشطفة بنفس الطريقة 

الماسك العاشر
3ملاعق لوز مطحون نجيب اللوز وننقعة لغاية ماالقشرة تتحاش ونسيبة ينشف وبعدين نطحنة ونعجنة بلبن ونحطة نصف ساعة وبعدين نشطفة بنفس الطريقة ياسلام على الماسك دة اوعى وسع تحفة تحفة تحفة بيستخدمة اجمل نجوم السينما الامريكية 

الماسك الحادي عشر 
معلقة بودرة حسن سيدنا يوسف ومعلقة لبن ونحطة نصف ساعة ونشطفة بنفس الطريقة البودرة دى بتتباع عند العطارين الكبار زى حراز البودرة دى جميلة يا جماعة 

الماسك الثاني عشر
ماسك سايل بشر 3 خيارات وعصرهم وتصفية العصير ونحطة فى زجاجة وكل يوم بالليل ندهن الوجة بقطنة ونشطفة الصبح دة بقى الماسك بتاعى من سنتين كلة بيقولى بتستخدمى اية على فكرة بيقعد فى التلاجة عادى ونرجة قبل كل استعمال 00000

شاركي اصحابك

Twitter
Facebook
Yahoo
Feed

Comments
2 Comments

2 التعليقات:

غير معرف يقول...

الماسك الخامس بتاع البطاطس المسلوقة غير مذكور هو بيوضع على الوجه لاى مدى من الوقت

Amira يقول...

اولا شكرا لك
ثانيا الماسك ده ممتاز لان به نشا بكمية كبيرة واذا لاحظتي ان الصينين دائما ايديهم بيضاء جدا جدا وذلك لانهم يغسلون الارز بيدهم وهو ذو محتوى عالي من النشا وبالتالي يبيض ويمكنك ان تستخدمي النشا مباشرة الماء لمدة 5 ثواني على النار لتكون مثل الكريم او البطاطس كما هنا او حتى الارز معلش انا طولت عليكي بس هجاوب على سؤالك حالا
الماسك يوضع لمدة 20 دقيقة او حتى يجف
هذا الكلام ينطبق ايضا على ماسك الارز وايضا ماسك النشا وانا جربت ماسك النشا شخصيا رائع بجد
شكرا

إرسال تعليق

طريقة تطويل وتكثيف الشعر بسرعة - خلطة تطويل الشعر - خلطات تطويل الشعر وتكثيفه طريقة تطويل وتكثيف ال

Twitter Delicious Facebook Digg Stumbleupon Favorites More

 
Copyright © 2011 ماسكاتنا : ماسكات طبيعية للبشرة و الشعر و الجسم للنساء فقط | Powered by Blogger
Design by Free WordPress Themes | Bloggerized by Lasantha - Premium Blogger Themes | Facebook Themes