الغاسول المغربي لبشرة صافية و ناعمة

الحمام المغربي....

هبتدي بالغاسول المغربي عشان النهارده هقولكم على الطريقة الأصلية لعمل الغاسول المغربي في البيت و لو عجبكم الموضوع هعمل مواضيع تانية ان شاء الله.....




المهم نبتدي بالغسول المغربي و اللي معظمكم هنا بتسألني بنستعمله امتى و ايه أحسن نوع و و و و....

اولا احب اقولكم هو نوع واحد من الغسول بس اللي يختلف هو المواد المستعملة معاه....

اولا الغسول لا يوجد في اي منطقة في العالم الا في المغرب ( زيه زي منتجات تانية كتيرة لا توجد الا في المغرب كزيت ارڭان مثلا ) يستخرج من منطقة تامدافلت باقليم بولمان بضواحي مدينة فاس بالمغرب...

استعملته المغربيات منذ القدم لتنظيف الجسم و الشعر... معروف بازالة بقع الجسم و تنظيفه بعمق... كمان بيخلي الجسم ناعم جدا.... و مع الاستعمال المتواصل هتلاقي جسمك لونه متوحد و هتلاقي نتايج مرضية جدا.....


دلوقتي هقولكم على طريقة عمل الغسول في البيت و دي طريقة تقليدية استعملتها الجدات قديما... و دي احسن طريقة كمان...

المهم في الاول خالص الغسول بيكون عبارة على صخرة زي الصورة دي....
بيبقى صلب...



نكسره قطع صغيرة عشان يسهل التحكم فيه....

و هنحتاج للمقادير دي:

بالنسبة ل 1 كيلو من الغسول:

* 1 لتر ماء زهر او ماء ورد
* كباية لافندر مطحونة
*كباية ريحان مطحونة
*كباية ورد مطحون
*كباية سنبل العنبر مطحون

الطريقة:

بعد ما نكون كسرنا الغاسول قطع صغيرة، نجيب اناء و نحط فيه القطع دي، نضيف عليه ماء الزهر و نخلط و نضيف اللافندر و الورد و السنبل و الريحان اللي طحناهم و نخلط كويس اوى...


ناخذ صينية حديد.. و نفرش فيها الخليط بتاعنا... و نحطها لمدة 3 الى 4 ايام في الشمس الى الحصول على هذا الشكل من الغسول....



و نحتفظ بيه في مكان بارد و نغطيه...

نستعمله بعد كل استعمال و من الافضل استعماله في الآخر خالص و ما نستعملش الجيل دوش او الصابون من بعده....


قبل ما نستعمله بنتتبع الخطوات دي...

ناخذ مقدار معين كافي للجسم كله

نضيف عليه مية دافية

نخلطه شوية و نستعمله مباشرة

زي الصور دي بالظبط



هو ده الغسول المغربي بس نستعمله للجسم بس

شاركي اصحابك

Posted in: ماسكات لتنظيف البشرة